Eкоцентар 97

ИСТОРИЈА

Согласно потребите на пазарот, Екоцентар 97 низ годините ја има проширено и својата дејност.

На почетокот, основната дејност на компанијата беше собирање, селекција, примарна преработка и транспорт на секундарни суровини вклучувајќи необоени метали и обоени метали. Во соработка со долгогодишни партнери од Германија и Италија, најголем дел од отпадните метали се извезуваат. По донесувањето на Законот за управување со електричен и електронски отпад, отпадни батерии и отпадни тонери во Северна Македонија кој беше усвоен во 2012 година, компанијата основаше посебен сектор за складирање и преработка на овој вид опасен отпад. Дополнително, Екоцентар 97 има огромно искуство со рециклирање на отпадни возила и отпадни гуми, како и отстранување на акумулатори од автомобили. Препознавајќи дека сите овие материјали содржат опасни материи (тешки метали) за кои е потребен соодветен третман, а во исто време содржат компоненти што можат повторно да се употребат во производството, Екоцентар 97 разви дополнителни сектори за складирање и третман на вакви отпадни материјали. Во 2018 година, Екоцентар 97 основаше сектор за опасен отпад и разви мрежа на сигурни партнери за управување со опасен отпад низ цела Европа. Благодарение на соработката со најистакнатите постројки за третман и уништување на опасен отпад од Швајцарија, Германија, Австрија и Франција, Екоцентар 97 може да најде соодветно решение за најразлични типови на опасен отпад. Во моментот, Екоцентар 97 е водечка компанија за управување со опасен отпад во земјата и опслужува голем дел од индустриските компании.